Երիտասարդությունից հիշում եմ մեր անկաշկանդությունն ու
հիմարությունը` լավ իմաստով․․․
Ասեմ՝ ինչ նկատի ունեմ։ Ռուսներն ունեն, չէ,՞ Иванушка дурачок-ի կերպարը։ Եթե ինքը дурачок չլիներ և էն գլխից իմանա, թե իրեն ինչ է սպասվում, երևի կես ճամփին մնար ու առաջ չգնար։
Էդպես էլ բոլոր երիտասարդները մաքուր, կյանքին վստահող մի մասնիկ ունեն իրենց մեջ, հավատում են, որ աշխարհը գեղեցիկ ա, ազնիվ ա, արդար ա․․․
Երիտասարդությունն էն ժամանակն ա, երբ դու լավ իմաստով իմաստացած չես այնքան, որ հասկանաս, թե ինչ խնդիրներ են կանգնած քո և աշխարհի առաջ, բայց քո մեջ զգում ես ներքին լույս ու էներգիա, որ քեզ տանում ա առաջ։
Դա էն ժամանակն ա, որ կարող ես հանգիստ թքել «չափահասների աշխարհի» վրա և ասել՝ ինձ ո՛չ ձեր փողն ա պետք, ո՛չ էլ՝ աշխատանքը, ինձ ուրիշ բաներ են հետաքրքրում՝ սերը, աշխարհը։
Հենց սա եմ ես կարոտում, որովհետև դա հետո պիտի փոխվի․․․
Եթե դեպի լավը փոխվի, ապա կդառնաս մի մարդ, որ կսկսի էդ հատկանիշներն իրականություն դարձնել։ իսկ եթե ինչ-որ բան էնպես չստացվի, կկոտրվես, կդառնաս ցինիկ, կթքես ամեն ինչի վրա ու կասես․ «Չէ, ախպեր, ճիշտը փողն ա»։